World Justice Project (WJP) xalqaro taşkiloti tomonidan 21-oktabr kuni e’lon qilingan 2026-yilgi Qonun ustuvorligi indeksida Özbekiston 143 ta mamlakat va yurisdiksiya orasida 79-örninni egallab, 1 balldan 0,50 ball töpladi. Ötgan yilgi natija bilan taqqoslaganda, mamlakat ikki poğonaga* yuqoriladi, biroq umumiy ball özgarişsiz qoldi. Şarqiy Yevropa va Markaziy Osiyo mintaqaviy reytingida Özbekiston 15 ta mamlakat orasida 8-örninni qayd etdi.
Eng yuqori natija «Tartib va xavfsizlik» yönalişida kuzatildi: 0,90 ball va jahon reytingida 15-örnin. Şu bilan birga, «Hukumat oçiqligi» hamda «Davlat hokimiyati vakolatlarini çeklaş» körsatkiçlari mos ravişda 0,36 va 0,37 ballni taşkil etdi. Uşbu yönalişlarda Özbekiston 120- va 115-örninlarni egalladi. «Asosiy huquqlar» yönalişidagi natija esa 0,43 ball bölib, 109-öringga töğri* keldi.
Indeks qonun ustuvorligini korrupsiyaning yöqligi, asosiy huquqlarni himoya qiliş, qonunlarning ijro etilişi, fuqarolik va jinoyat odil sudlovini ham öz içiiga olgan sakkizta yönaliş böyiça baholaydi. WJP metodologiyasi aholi, yuristlar va ekspertlar örtasidagi sörovlarga asoslanadi. Natijalar mamlakat institutsional muhitining turli jihatlarini körsatadi, biroq umumiy ball har bir yönalişni alohida tahlil qiliş örnini bosmaydi.
